Pas 13 ditësh jashtë vendit, Kryeministri i Kosovës, Albin Kurti, do të kthehet sot në Kosovë.
Lajmin për Express e ka konfirmuar zëdhënësi i Qeverisë së Kosovës, Përparim Kryeziu.
“Gjatë ditës së sotme kthehet”, ka deklaruar Kryeziu.
Kurti ka shkuar në Greqi më 8 korrik. Më 9 korrik ai ishte pjesëmarrës në tryezën e rrumbullakët të organizuar nga “The Economist” nga Qeveria e Greqisë. Pas Greqisë, Kurti shkoi në Francë, ku mori pjesë në festivalin e filmit në Kanë.
Pas Francës, Kryeministri Kurti u zhvendos në Bruksel, ku të hënën takoi Presidentin e Serbisë, Aleksandër Vuçiç. Në Bruksel, Kurti prezantoi një marrëveshje për paqe ndërmjet Kosovës dhe Serbisë, i cili përmban 6 nene, por që u refuzua nga pala serbe.
