Ish-kryeministri i Britanisë, Tony Blair ka marrë një “dhuratë” speciale natën e ndërrimit të viteve nga vetë Mbretëresha Elizabet. Ai është dekoruar me “Urdhrin e Garterit si Shoqërues i Kalorësit” duke marrë dhe emërimin “Sir”.
Vendimi për të emëruar Tony Blair ka hasur shumë debate gjatë viteve të fundit. Sipas Daily Mail, të gjithë ish-kryeministrat e mëparshëm, janë dekoruar me të njëjtin vlerësim vetëm pak vite pasi kanë lënë detyrën.
Por kjo nuk ka ndodhur me Blair. Atij iu desh 14 vite për të marrë një vlerësim të tillë. Kjo dyshohet për shkak të marrëdhënieve të tensionuara me Mbretëreshën gjatë 10 viteve që Blair ka qenë në pushtet.
Emërimi, i cili bëhet nga Mbretëresha, u është dhënë rregullisht kryeministrave të kaluar, me Sir John Major, paraardhësin e Sir Tony, i fundit që e ka marrë këtë nder.
Sir Tony, një ish-udhëheqës i Laburistëve, tha: “Është një nder i jashtëzakonshëm të emërohem “Shoqërues Kalorës i Urdhrit Më Fisnik të Garterit” dhe unë i jam thellësisht mirënjohës Madhërisë së Saj, Mbretëreshës. Ishte një privilegj i madh të shërbeja si kryeministër dhe do të doja të falënderoja të gjithë ata që shërbyen përkrah meje, në politikë, shërbimin publik dhe në të gjitha pjesët e shoqërisë sonë, për përkushtimin e tyre ndaj vendit tone”.
Discussion about this post