Trajneri Inzaghi është duke bërë një reformim të skuadrës së Inter dhe duket se Radja Nainggolan nuk është pjesë e planeve të tij.
Mesfushori që ka luajtur për plot 16 vite në Itali, duket se tashmë nuk po mundet të gjejë një shtëpi të re aty.
Edhe Cagliari që u duk i interesuar nuk është mjaftueshëm i vendosur për të afruar belgun kështu që ky i fundit është i detyruar të shikojë opsionet jashtë Italisë.
Për 33-vjeçarin ka shprehur interes klubi turk i Besiktas dhe e vetmja gjë që mungon tashmë për transferimin e mesfushorit është arritja e akordit.
Oferta e turqve për Nainngolan është një kontratë 2 vjeçare me 2 milionë euro në sezon, por belgu kërkon 3. Bisedimet mes palëve vazhdojnë ende dhe pritet vetëm arritja e një zgjidhjeje të përbashkët që belgu të largohet nga Italia pas 16 viteve eksperiencë atje./Gijotina.com
