Pasi ka qëndruar mbi 5 orë në SPAK, sapo ka dalë nga ambientet e Prokurorisë, Arbër Veliaj, vëllaini kryebashkiakut të arrestuar ë Tiranës, Erion Veliaj, është shprehur se ka shkuar vullnetarisht për të shprehur bashkëpunimin e tij me këtë institucion.
“Erdha vullnetarisht për të shprehur bashkëpunimin tim me institucionin”, tha ai.
Kujtojmë se edhe Erion Veliaj në kohën kur u mor në pyetje nga prokurorët e SPAK-ut shprehej se kishte shkuar vetë në SPAK për të bashkëpunuar me ata që ai dikur i quante “kolegë” dhe pas arrestimit të tij i sulmoi brutalisht.
Sipas materialeve hetimore, emri i Arbër Veliaj përmendet në disa episode të dosjes që SPAK ka përgatitur për Erion Veliaj dhe bashkëshorten e tij, Ajola Xoxa, lidhur me lëvizje financiare që ngrejnë dyshime për përfshirje në pastrim parash.
Ai kishte nënshkruar një kontratë prej 300 mijë eurosh për shërbime këshillimi ligjor për vëllain e tij nga një studio amerikane, ndërkohë që ndaj tij nuk është ngritur ende ndonjë akuzë.
Arbër Veliaj ka marrë pjesë në menaxhimin e fushatës mediatike dhe koordinimin e përfaqësuesve ligjorë ndërkombëtarë gjatë kohës që vëllai i tij ishte në paraburgim.
Hetimet kanë evidentuar gjithashtu lidhje financiare mes kompanisë së Arbër Veliajt, “Gogel Shpk”, dhe organizatave të kontrolluara nga Ajola Xoxe, si dhe lidhje të kompanisë “Gogel” me shoqërinë “One Albania”, e cila ka përfituar fonde publike nga Bashkia e Tiranës.
Po ashtu, Arbër Veliaj rezulton të ketë blerë prona dhe objekte nga shoqëri ndërtimi që lidhen me persona të përfshirë në hetimet e SPAK, përfshirë kompaninë “AgiKons” të Gent Sulës.
Discussion about this post