Partizani ka arritur të bindë mesfushorin Emiljano Vila për t’u bashkuar me të kuqtë për sezonin futbollistik.
Mesfushori 35-vjeçar aktivizohej me Teutën në kampionatin e kaluar, por ishte larguar gjatë verës. Duket se ai ka arritur të gjejë akordin me Partizanin, duke u rikthyer në këtë ekip pas 5 vitesh.
Duket se Partizani me afrimin e Vilës do të mund të plotësojë boshllëkun që iu krijua në mesfushë pas largimit të Matondos.
Vila ka qenë pjesë e Partizanit në sezonet sezonet 2014-2015 dhe 2016-2018.
“FK Partizani njofton rikthimin e Emiliano Vilës në familjen e kuqe. Drejtuesit dhe mesfushori i njohur kanë mbyllur pozitivisht marrëveshjen mes tyre dhe nga sot Vila do të jetë pjesë e Kampionëve të Shqipërisë për këtë sezon futbollistik. Pas eksperiencës pozitive me Teutën sezonin e kaluar Vila rivesh fanellën e kuqe”, thuhet në njoftimin zyrtar të klubit të Partizanit.
Discussion about this post