Ka përfunduar pas 7 orësh shëtitja e një luani në rrugët e Romës.
Luani kishte arritur të “arratisej” nga një cirk, duke u shfaqur në rrugët e kryeqytetit italian, ndërsa në rrjet vërshuan foto të shumta me kafshën që endej nga një rrugë në tjetrën.
Autoritetet i bënë thirrje banorëve që të mos lëvizin nga banesat.
Kafsha e eger arriti të largohej nga një cirk në Ladispoli gjatë orëve të pasdites dhe vijoi xhiron në qytet.
Për kapjen e tij u krijua qendra komanduese logjistike dhe u mobilizua policia dhe zjarrfikësit.
Një helikopter u vendos në dispozicion gjithashtu.
Aksioni zgjati për rreth 7 orë kur veterinerët e neutralizuan me plumba anestezie dhe e lidhën për ta rikthyer atë sërish në cirk.
Discussion about this post