Pas tetë vitesh në ekzil, ish presidenti i Gjeorgjisë, Sakashvili, është rikthyer në atdhe. Ai është arrestuar menjëherë pasi është shpallur fajtor për abuzim me pushtetin dhe është dënuar me 6 vjet burg në 2018-ën.
Ishte një njeri i lirë në vendin e tij vetëm për pak orë Mikeil Sakashvill. Kryeministri aktual i Gjeorgjisë konfirmoi arrestimin e ish presidentit, i cili pak orë më parë kishte postuar një video në profilin e tij në Facebook duke thënë se kishte ndërprerë ekzilin, i cili zgjati 8 vjet.
Sipas mediave vendase, 53 vjeçari po mbahet në një burg pranë kryeqytetit. Në videon e postuar prej tij, ish presidenti shprehej se kishte rrezikuar jetën dhe lirinë për t’u rikthyer në atdhe.
Qeveria gjeorgjiane kishte bërë të qartë se do të arrestohej sapo të hynte në vend, pasi ishte shpallur në kërkim pasi akuzohej për abuzim me pushtetin. Akuzë për të cilën ishte dënuar në mungesë me 6 vjet burg në vitin 2018.
Ditët e fundit ish kreu i shtetit konfirmonte se kishte blerë një biletë avioni Kiev – Tbilisi për në 2 tetor ditën e zgjedhjeve administrative në Gjeorgji. Ai donte të ishte i pranishëm për të mbështetur partinë e themeluar nga ai: Lëvizja Kombëtare e Bashkuar.
Ish lideri u arratis nga Gjeorgjia në vitin 2013, dhe akuzat ndaj tij i konsideronte të motivuara politikisht. Për ‘të këto zgjedhje janë një referendum për qeverinë aktuale dhe partinë në pushtet. Ai iu bëri apel qytetarëve që të grumbulloheshin në sheshet e vendit pas mbylljes së qendrave të votimit dhe të mbornin fitoren.
Gjeorgjia prej muajsh është përfshirë nga një krizë e thellë politike, dhe tensionet në shesh shpesh kanë përfudnuar me përplasje mes forcave të policisë dhe protestuesve
Guvernatori i Odesës, në Ukrainë, që nga 2015 deri në 2016, ish presidenti mori nënshtetësinë ukrainase duke hequr dorë nga ajo gjeorgjiae. Por më pas debatoi me liderin e atëhershëm Petro Poroshenko i cili e pezulloi nga posti dhe i mori pasaportë. Pas një periudhe në Holandë, ai bëri paqe me presidentin aktual të Ukrainës Zelenski. Dhe aktualisht ai kërkon rikthimin në pushtet duke ndjekur shembullin e Navalni në Rusi.
