Rusia ka nisur një operacion special në Donbas dhe në të gjithë Ukrainën po vendoset ligji i luftës. Lajmin e ka bërë të ditur presidenti ukrainas, Volodymyr Zelensky në një fjalim publik.
“Sot, presidenti Putin njoftoi një operacion të posaçëm ushtarak në Donbas. Rusia ka kryer sulme në infrastrukturën tonë ushtarake dhe mbi rojet tona kufitare dhe detashmentet ”, deklaroi ai.
Sakaq, ai i ka kërkuar qytetarëve që të ruajnë qetësinë dhe të mos dalin nga shtëpitë, ndërsa siguroi se autoritet po punojnë.
”Shpërthime u dëgjuan në shumë qytete të Ukrainës. Ne po vendosim ligjin ushtarak në të gjitha territoret tona. Një minutë më parë pata një bisedë me presidentin Biden. SHBA tashmë kanë filluar të mobilizojnë mbështetjen ndërkombëtare. Sot ajo që duhet është qetësia. Rrini në shtëpi nëse është e mundur. Ne punojmë, ushtria punon, po ashtu i gjithë sektori i sigurisë në Ukrainë punon”, shtoi Zelensky. Ai vuri në dukje se së shpejti do të kontaktonte sërish me qytetarët ukrainas.
Discussion about this post