Një aksident ka ndodhur këtë të pasdite në zonën e Laprakës në kryeqytet. Dy automjete janë përplasur me njëra-tjetrën. Nga aksidenti nuk raportohet për të lënduar, por personat në bordin e dy automjeteve u përfshinë më pas në një konflikt fizik.
Si pasojë, një prej tyre përfundoi në spital.
“Rreth orës 16:10, në Laprakë, në afërsi të shkollës ‘Aleks Buda’, janë përplasur dy automjete (dëme materiale) dhe si pasojë janë konfliktuar dhe kanë goditur njëri-tjetrin me grushte, drejtuesit e automjeteve, shtetasi A. R., 32 vjeç, me shtetasit Xh. B., dhe A. B. (babë e bir). Si pasojë e konfliktit shtetasi A. R., është dëmtuar dhe ndodhet në spital, për ndihmë mjekësore”, njoftoi policia.
Grupi hetimor po punon për sqarimin e rrethanave të ngjarjes, shtuan të njëjtat burime.
Discussion about this post