Policia e Kavajës ka vënë arrestuar një 24-vjeçar nga Shkodra pasi ka qenë duke transportuar 3 emigrantë të paligjshëm, të cilët synonin të kalonin ilegalisht kufirin me Malin e Zi.
Në pranga u vu Endri Bregaj, i cili akuzohet për veprën penale “Ndihma për kalim të paligjshëm të kufirit”.
“Në zonën e quajtur ‘Bishti i Zhurit’, Rrogozhinë, 24-vjeçari u kap në flagrancë duke transportuar me një automjet tip ‘Benz’, 3 emigrantë nga India dhe Pakistani, të cilët synonin të kalonin ilegalisht kufirin me Malin e Zi”, njofton policia.
Makina tip “Benz” u sekuestrua.
Sipas bluve, aksioni i koduar “Illegal” erdhi “bazuar në informacionet e siguruara nga inteligjenca policore, për një rast të transportimit kundrejt pagesës, të disa emigrantëve që synojnë të kalojnë ilegalisht kufijtë”.
Më herët gjatë ditës, një automjet me të cilin drejtuesi transportonte refugjatë doli nga rruga në Këlcyrë. Aksidenti shkaktoi tetë viktima, përfshirë drejtuesin e mjetit nga Shkodra dhe refugjatët në mjet.
Discussion about this post