Pas arrestimit të kryetarit të Gjykatës Ekonomike, Blaz Jovaniç, ka reaguar dhe kryeministri i Malit të Zi, Dritan Abazoviç.
“Përgjigja më e mirë rreth tregimeve për mungesën e luftës kundër krimit të organizuar dhe korrupsionit duhet të jenë si sot në mëngjes. Le të flasin rezultatet, gjithçka tjetër është politikë. Pres që ky trend të vazhdojë”, u shpreh kryeministri malazez.
“Shpresoj që rezultatet në periudhën e ardhshme të jenë edhe më të dukshme”, tha Abazoviç.
Kryeministri u shpreh që duhet të rritet niveli i sigurisë së kryeprokurorit të ri të posaçëm Vladimir Novoviç, i cili sot dha urdhërimin për arrestimin e Jovaniçit.
Ndryshe, Jovaniç është arrestuar nën dyshimet për organizimin e një grupi kriminal dhe shpërdorim të pozitës zyrtare.
Discussion about this post