Në një kohë kur po përballet me akuzën e ngacmimit seksual, futbollisti Brazilian Dani Alves është përjashtuar nga skuadra e Pumas. Ka qenë presidenti i skuadrës meksikane, Leopoldo Silva i cili ka bërë të ditur vendimin.
“Me këtë vendim, klubi rikonfirmon angazhimin e tij për të mos toleruar asnjë veprim nga asnjë anëtar i institucionit tonë, cilido qoftë ai, për të cenuar frymën universitare dhe vlerat e tij. Pumas është një institucion që promovon respekt, sjellje të ndershme, dinjitoze dhe profesionale të lojtarëve të saj, brenda dhe jashtë fushës”, thuhet në vendimin e skuadrës.
Në rast se akuzat ndaj 39-vjeçarit provohen, atëherë ai rrezikon të dënohet nga 4 deri në 12 vite, sipas asaj çka raportojnë mediat spanjolle. Pavarësisht se ish-lojtari i Barcelonës ka pohuar se nuk e njeh vajzën që e ka denoncuar, kjo e fundit ka shtuar edhe më tej akuzat ndaj tij. Sipas 23-vjeçares, Alves jo vetëm e ka ngacmuar seksualisht, por madje edhe e ka dhunuar e fyer.
Aktualisht braziliani ndodhet në paraburgim, teksa ka komunikim vetëm me avokatin mbrojtës.
Discussion about this post