Dy ditë pas mbledhjes së Asamblesë Kombëtare të PS-së, Kryeministri Edi Rama ka vendosur që të thërrasë një mbledhje informale të Qeverisë, e cila do të zhvillohet dy ditë.
Mbledhja pritet të mbahet në datat 28-29 korrik në Tepelenë, ndërsa konsiderohet si një takim informal pune.
Në mbledhjen e Asamblesë Kombëtare pritet të analizohet funksionimi i strukturave të PS-së në zgjedhjet e 14 majit, përmbushja ose jo e pritshmërive nga drejtuesit e qarqeve, por edhe përformanca e treguar nga ministrat në përmbushjen e detyrave të caktuara nga Edi Rama.
Menjëherë pas Asamblesë, Rama ka vendosur të thërrasë Qeverinë në takime informale në Tepelenë, një praktikë kjo e aplikuar edhe më parë nga Kryeministri.
Takime të ngjashme Rama ka mbajtur edhe në Shkodër, Durrës apo Vlorë, të cilat më pas janë transmetuar si mbledhje ku janë caktuar objektivat, janë hartuar planet e punës, janë analizuar funksionimet e administratës dhe në fund janë përmbyllur me rifreskime nga postet ministrore deri te institucionet e linjës.
Discussion about this post