Kryeministri i Sllovakisë, Eduard Heger, është duke shqyrtuar rikthimin në një karantinë të mundshme 3-javore pas rritjes së rasteve me Covid-19.
Ideja është paraqitur nga Ministria e Shëndetësisë e Sllovakisë dhe shefi i qeverisë sllovake ka thënë se mendimi i ekspertëve do të jetë kyç për çfarëdo vendimi, shkruan The Guardian.
Shteti i vogël i Evropës Qendrore është në mesin e vendeve me rritjen më të madhe të numrit të rasteve në botë për numër të banorëve, thuhet në deklaratën e zyrës së kryeministrit sllovak.
Në anën tjetër, shkalla e vaksinimit kundër Covid-19 në Sllovaki është më e ulët se shifra mesatare e Bashkimit Evropian. Ish-kryeministri sllovak, Robert Fico, e ka kundërshtuar publikisht përdorimin e maskave dhe ka marrë pjesë në protestat kundër masave për luftimin e pandemisë.
Austria është një ndër vendet e BE që ditën e hënë u fut në karantinë të plotë për shkak të rasteve me Covid dhe pse shumë qytetarë kanë protestuar kundër një vendimi të tillë. Duke filluar nga mesnata, austriakëve u është kërkuar të punojnë nga shtëpia dhe dyqanet jo thelbësore janë mbyllur.
Discussion about this post