Mbështetësit e Gazmend bardhit dhe ata të rithemelimit të drejtuar nga Sali Berisha gjetën gjuhën e mirëkuptimit duke u bashkuar. Por ky bashkim i deputetëve demokratë duket se ështe vetëm hapi i parë drejt bashkimit të mbarë opozitës shqiptare. Në këtë drejtim, kreu i grupit parlamentar të PD-së, Gazmend Bardhi ka ndërmarrë një nisëm tjetër, atë të krijimit të një koalicioni të opozitës së bashkuar.
Për këtë qëllim ai ka ftuar partitë opozitare, që të mblidhen për të diskutuar se si mund të mund të realizojnë një front sa më të gjerë opozitar përballë regjimit të Edi Ramës, të cilin ata e akuzojnë si një njeri që po vret demokracinë në vend, dhe kërkon eliminimin dhe ndëshkimin e opozitës, duke bërë të mundur edhe vrasjen e fjalës së lirë në vend. Ky takim pritet të shërbejë edhe drejt koordinimit të opozitës për protestën e paralajmëruar të PD-së më 20 Shkurt.
“Nesër e premte, ora 12:00, në sallën “Antigonea”, Hotel Rogner, do të zhvillohet takimi i partive politike të opozitës, për krijimin e Koalicionit të Opozitës së Bashkuar. Takimi në pjesën e parë do të jetë i hapur për mediat. u falenderoj!”, shkruan Bardhi.
Discussion about this post