Kreu i grupit parlamentar të Partisë Socialiste, Taulant Balla ka folur në lidhje me paralajmërimet e administratës Biden për shpalljen non grata të politikanëve të korruptuar.
Balla u pyet nga gazetarët nëse u trembet sanksioneve nga SHBA, ku tha se, jo vetëm e përshëndet këtë nismë, por sipas tij ka vendosur një standard të pamohueshëm në politikë.
“Unë e kam përshëndetur sot në Kuvendin e Shqipërisë vendimet e thesarit të SHBA për të vendosur sanksione financiare ndaj elementëve që destabilizojnë paqen në Ballkan. Ajo e djeshmja lidhet edhe me financime të partive të ndryshme politike në fushata elektorale dhe trafiqe. Në këtë këndvështrim mendoj se ajo që buron nga strategjia kundër korrupsionit është vijimi i administratës së mëparshme. Partia Socialiste jo vetëm e përshëndet. PS ka vendosur një standard të pamohueshëm në politikë. PS ka hequr mbështetjen dhe do vazhdojë të heqë mbështetjen kudo”, tha Balla.
Basha komentoi edhe vizitën e zyrtarit të lartë amerikan Gabriel Escobar, e cila përkon dy ditë para zhvillimit të Kuvendit Kombëtar të Berishës, vizitë për të cilën tha se duhet parë në shumë kontekste. Ai nuk pranoi të komentojë situatën e brendshme në Partinë Demokratike e ndarë tashmë mes Berishës dhe Bashës.
Discussion about this post