Pas ish -kryeministrit Sali Berisha, deputeti Flamur Noka ka shkuar në Prokurorinë e Tiranës rreth orës 12:00 për të dëshmuar për protestën e dhunshme të datës 8 Janar në selinë blu. Noka ka mbërritur në Prokurori një orë pas ish-kryeministrit Sali Berisha i cili po ashtu do të dëshmojë për protestën.
Edhe Noka do të pyetet si personi që njoftoi Policinë se në 8 Janar do të mbahej një protestë kombëtare në selinë e PD-së. Noka doli para kamerave me dy gishtat lart dhe u fut menjëherë në institucion.
Kujtojmë se protesta e 8 janarit ishte e dhunshme, pasi Berisha, Noka dhe mbështetësit e tjerë të tj shqyen dyert e selisë së PD dhe u futën brenda me dhunë, ndërsa filluan të gjuajnë me gurë dhe tulla në zyra. Nga protesta pati disa të lënduar dhe disa të tjerë u shoqëruan nga policia.
Discussion about this post