Pas daljes nga SPAK, Çyrbja i shkon në zyrë Ulsi Manjës

Ish-deputeti socialist, Ergys Çyrbja, është takuar me ministrin e Drejtësisë Ulsi Manja, pas daljes nga Prokuroria e Posaçme.

A2 CNN raporton se Çyrbja i ka shkuar në zyrë Manjës. Mëngjesin e të premtes, Çyrbja u mor i pandehur nga SPAK, i akuzuar për “shpërdorim detyre”. Të enjten ai dorëzoi mandatin e deputetit.

Edhe pse ende nuk ka një njoftim nga SPAK për akuzën e ngritur ndaj socialistit Jurgis Çyrbja, burime konfirmojnë se ai është marrë i pandehur për shpërdorim detyre. Pas daljes nga Prokuroria e Posaçme, Çyrbja zgjodhi të mos komentonte për gazetarë, por u tha të kërkonin informacione në SPAK.

Sipas burime jo zyrtare konfirmohet se i është komunikuar akuza për një episod në vitin 2014, kur mbante detyrën e kreut të Hipotekës së Durrësit, ku kishte firmosur të njëjtën praktikë për dy persona të ndryshëm.

I pyetur nga gazetarët për arsyet e dorëzimit të mandatit të deputetit, Çyrbja përsëriti se e ka dorëzuar atë për arsye arsye shëndetësore.