Një ngjarje e rëndë ka ndodhur mbrëmjen e djeshme në Ferizaj të Kosovës, ku një 23-vjeçare, ka qëlluar me thikë të dashurin e saj 38-vjeçar për motive xhelozie.
Sipas policisë së Kosovës, 38-vjeçari është transportuar për të marrë ndihmën e nevojshme mjekësore në spital, ndërkohë që e dyshuara, është dërguar në mbajtje për 48 orë, për procedura të mëtejshme hetimore.
Drejtoria Rajonale e Policisë në Ferizaj, po vijon punën për të mbledhur dëshmi dhe materiale për të zbardhur dinamikën e plotë të ngjarjes.
“Në afërsi të vendit ku ka ndodhur ngjarja është arrestuar personi i dyshuar me inicialet E.H (F/K) e moshës 23 vjeçare, e cila kishte therur me një mjet të fortë (thikë) personin tjetër me inicialet P.A (M/K) i moshës 38 vjeçar, duke i shkaktuar lëndime trupore, i cili për ndihmë mjekësore është dërguar në Qendrën Emergjente në Ferizaj”, thuhet në njoftimin e Policisë së Kosovës për rajonin e Ferizajt.
Discussion about this post