Në regjistrin e Transparencës për muajin prill SPAK ka shkruar se një ministër është nën hetim aktualisht.
Në lidhje me emrin u pyet këtë të premte kreu i Prokurorisë së Posaçme, Altin Dumani, i cili nuk preferoi të japë një përgjigje, edhe pse mësohet se bëhet fjalë për Arben Ahmetajn, kur ka qenë ministër i Mjedisit.
Përgjigje nuk dha as Inspektori i Lartë i Drejtësisë, Artur Metani, i cili u pyet në lidhje me akuzat që kreu i qeverisë, Edi Rama, i bërë institucionit të tij një ditë më parë. Krerët e drejtësisë u mblodhën në një tryezë të rrumbullakët mbi Strategjinë Ndërsektoriale të Drejtësisë 2024-2030: Arritjet dhe sfidat e zbatimit të saj në kontekstin e Integrimit Evropian.
Por, përpara kamerave heshti edhe Këshilli i Lartë Gjyqësor.
E vetmja që foli përpara mediave ishte kryetarja e Gjykatës Kushtetuese Holta Zaçaj e cila komentoj deklaratat e kryeministrit Rama dhe kreut të opozitës Sali Berisha.
Kryetarja e Gjykatës Kushtetuese, Holta Zaçaj foli për mediat pas debatit në distancë mes kryeministrti Edi Rama dhe gjyqtarëve pasi unioni i këtyre të fundit kërkoi rritje pagash me 700 euro.
Ajo nuk e quajti presion deklaratën e kryeministrit dhe theksoi se për Kushtetuesen e rëndësishme është të garantojë publikun që gjykata funksionon e pavarur dhe e paanshme, gjë e bëri një ditë më parë përmes një deklarate.
“Zbatimi i vendimeve të Gjykatës Kushtetuese tregon stadin e demokracisë. Kemi ende punë për të bërë por në mazhoritetin e vet vendimet tona janë të zbatueshme… vendime të caktuara për të cilat politika merr koston e vet nëse nuk i zbaton, kur flasim për pushtete të tjera.
E rëndësishme është që gjykata funksionon. Gjykata doli dje me një deklaratë se detyra jonë është të garantojmë publikun që gjykata funksionon e pavarur, e paanshme, sigurisht me mendimet që vijnë nga të gjitha anët ndonjëherë edhe mendimet që jep media. Në thelb është që të sigurojmë publikun që ne jemi të paanshëm pavarësisht si bëjnë… Nuk beosj se deklarata (e Ramës) është presion, janë deklarata të zakonshme të palëve në proces, ju në media i jepni më shumë se ç’duhet zë opinioneve”, tha Zaçaj.
Kujtojme se me anë të një postimi në X, Rama e konsideroi kërkesën e Unionit të Gjyqtarëve si një shaka e hidhur, e cila nuk duhet të përsëritet.
Kërkesa e Unionit të gazetarëve për rritjen e pagave është depozituar në Kushtetuese më 3 mars 2025, ku aktualisht ka kaluar seancën paraprake. Në mes të qershorit, pritet të mbahet seanca për shqyrtimin e saj.
gijotina.com/
Discussion about this post