Beteja e radhës e kryebashkiakut të zgjedhur të Himarës, Fredi Beleri, pritet të zhvillohet në Apelin e GJKKO-së, pas dënimit politik nga Gjykata e Posaçme.
Djali i tij, Petro Beleri, ka folur për ethnos.gr në lidhje me vendimin për babain, duke theksuar se familja e tij dhe himariotët janë të vendosur të çojnë çështjen deri në fund në mënyrë që të zbardhet e vërteta.
Sipas tij, Gjykata e Apelit mund të japë vendimin jo më vonë se një vit nga sot, por nuk përjashtohet që procesi gjyqësor të përfundojë deri në majin e ardhshëm.
Petros Beleris flet për një proces të qartë politik, i cili bazohet në prova të rreme, vetëm që kryebashkiaku i zgjedhur ligjërisht të mos kryejë detyrën.
“Ky vendim i shërben 100% qëllimeve të qeverisë shqiptare, në një kohë kur të gjitha argumentet e tyre janë rrëzuar. Duan të na çojnë sërish në zgjedhje, por çfarë kuptimi do të kenë kur përpiqen me çdo mënyrë të pengohet kryetari i zgjedhur ligjërisht? Tashmë qeveria greke duhet të marrë një qëndrim të qartë. Të gjithë Himariotët janë të vendosur. Sot jashtë gjykatës ishin 100 persona, plus ata që ishin brenda në sallë. Bëhet fjalë për një gjyq historik me zhvillimin më negativ për palën greke. Ne do të vijojmë me qëndrimin tonë të civilizuar dhe do të luftojmë deri në fund”, ka theksuar Petro Beleri, djali i Fredi Belerit.
Discussion about this post