Zëvendës kryeministrja, njëherësh ministrja e Infrastrukturës dhe Energjisë, Belinda Balluku inspektoi punimet që po zhvillohen në segmentin e aksit rrugore, Ura e Cerenecit-Peshkopi. Gjatë inskeptimit, Balluku u shpreh se në Dhjetor të këtij viti, pritet të përfundojë tërësisht Rruga e Arbrit. Balluku shtoi se Tiranë-Peshkopi do të përshkohet për 1 orë e gjysmë.
“Me ç’duket, dhjetori 2024 do jetë edhe përfundimi tërësor i Rrugës së Arbrit, duke mbyllur tunelin e Murrizit, me një shpresë shumë të madhe, jemi drejt përfundimit të armatimit të të gjithë tunelit.
Janë 400 metrat e fundit. Ne do të jemi gati edhe me këtë vepër. Me përfundimin e kësaj rruge, zgjidhet njëherë një ngërç që kishte të bënte me aksesin. Do kemi mundësi të shkojmë nga Peshkopia në Tiranë në 1 orë e gjysmë”, theksoi ajo.
Ky është premtim i radhës ndërkohë që ka rruga duhej të ishte mbyllur para 4 vjetëve, sipas marrëveshjes koncesionare me “Gjoka Konstruksion”.
Në mars 2018 qeveria Rama nënshkroi marrëveshjen koncesionare me kompaninë Gjoka për të vijuar projektin e nisur nga qeveria Berisha. Kur nisi koncensioni, ishin përfunduar plotësisht 20.12 kilometra të saj, me 15.1 kilometra shtesë të përfunduara pjesërisht dhe 26.3 kilometra të tjera për t’u ndërtuar sipas projektit ekzistues. Por qeveria Rama në mandatin e tij të dytë u angazhua për përfundimin e rrugës së Arbrit por duke ndryshuar projektin, e ndërtuar në tjetër gjurmë. E gjitha rruga është 54 km, me 6 tunele e disa ura dhe vlera e investimit të privatit sipas marrëveshjes, është rreth 40 miliardë lekë. Rruga e Arbrit është cilësuar si një projekt historik nga të dy qeveritë duke u krenuar gjithsecili për të. Por në fakt ky projekt i cili ka zgjatur gati dy dekada dhe ende nuk ka përfunduar.
Sipas të dhënave të tre marrëveshjeve, privati do investojë afro 41 miliardë lekë, ndërtim, mirëmbajtje dhe oponencë teknike. Por qeveria do ja shlyejë borxhin koncesionarit për 13 vite së bashku me interesat.
Disa muaj pasi nisi projekti, në tetor 2018, nën shoqërinë e ish-ministrit Damian Gjiknuri dhe ish-kreut të Autoritetit Rrugor Afrim Qendro, Rama teksa inspektoi punimet në rrugën e Arbrit, ka shprehur se projekti do të përfundonte një vit përpara përfundimi të afatit, pra në 2021. Në fakt sipas marrëveshjes, rruga duhej të hapej në vitin 2020 ndërsa ndërtimi do përfundonte në 2022.
Më pas u bë një shtyrje e re e kohës së kontratës koncesionare për ndërtimin e rrugës së Arbrit, duke parashikuar si afat të ri të përfundimit të saj pranverën e vitit 2025. A do të mbyllet para afatit?
gijotina.com/
Discussion about this post