Ka rreth dy vite që klubi i Kamzës nuk është më pjesë e futbollit shqiptar dhe pikërisht në kohën që përkon edhe me 85 vjetorin e krijimit të tij drejtuesit AF Kamza 05 kanë marrë një vendim të rëndësishëm.
Ata kanë vendosur që të rikthehen në futbollin shqiptar, ndaj Presidenti Valter Marrashi, zv.presidenti dhe njëkohësisht trajneri Ardit Marku, si edhe zv.trajneri Florian Qerimi e kanë regjistruar klubin në Kategorinë e Tretë.
“Futbolli është gjithmonë i bukur dhe me surpriza. Për fat të keq, i ndodhi Kamzës e ne na ra barra e rëndë që ta ngremë nga zeroja. Me punë shpresojmë ta çojmë Kamzën aty ku i takon. Nga vetë emërtimi, Akademia e Futbollit Kamza 05, kemi menduar që të mos bëjmë më gabimet e së kaluarës”, – u shpreh Marku.
Ndërkohë rikujtojmë se kjo praktikë është ndjekur edhe nga klube të tjera në vendin tonë përfshirë AF Luftëtarin dhe AF Elbasanin./K.T/Gijotina.com
