Pak ditë më parë raportuam se kryetari i Bashkisë së Kolonjës, Erion Isai, në listën e re të programit për strehimin social, kishte futur si përfitues edhe disa prej vartësve të tij, për t’iu dhënë banesa me lekët e qytetarëve, duke përfshirë drejtorin e Ujësjellësit, Enea Jorgji apo drejtorin e Pyjores, Petro Kristo.
Por, duket se Isai nuk është kryebashkiaku i vetëm që abuzon në të njëjtën mënyrë me fondet publike, pasi të njëjtën skemë e ka bërë edhe kryetarja e Bashkisë së Bulqizës, Festime Mjeshtri.
Nënkryetari i kësaj bashkie, Haxhi Pulja, më 21 nëntor të vitit të shkuar ka firmosur listat e reja për familjet që marrin statusin si të pastrehë dhe përfshihen në programin e banesave me kosto të ulët.
Nga dokumentet e publikuara nga mediat, ajo që vihet re është se se pjesë e listës së përfituesve nga strehimi social janë edhe drejtues të institucioneve të ndryshme në Bashkinë Bulqizë, por edhe kryetarë të njësive administrative, si Izabela Kocaqi, Shqipe Keta, Korab Kika, Adhurim Reçi, Fatri Puca, etj.
Festime Mjeshtri përveç abuzimeve me fondet publike, më herët është përfshirë edhe në një tjetër skandal, Festime Mjeshtri, kur iu arrestua i vëllai, Luan Mjeshtri nën akuzën për shpërdorim detyre si pjesë e grupit që shiste vërtetime false të origjinës bullgare në Ostren të Bulqizës. Kryebashkiakja emëroi të vëllain në konfikt interesi dhe lejoi mashtrimin e partnerëve europianë përmes rrjetit të trafikantëve të dokumentave zyrtare.
“Çuçka” i Kolonjës u jep banesa vartësve, shpall të pastrehë drejtorët e Bashkisë
Por, pavarësisht se abuzimi bëhet hapur nga ana e kryebashkiakëve socialist, me dokumente të shkruar e zeza mbi të bardhë, SPAK-ut i duket “krim intelektual” dhe nuk arrin ta provojë dot abuzimin, por merret me hetimin e një ish-kryebashkiaku demokrat se ka shkarkuar një drejtor gjatë kohës që ushtronte detyrën.
Struktuar e Posaçme Anti-Korrupsion (SPAK) po e vërteton çdo e më shumë deklaratën e Edi Ramës, se ky institucion është produkt i tij dhe se Amerikanët kanë bërë “Noc Rrokun”.
Discussion about this post