Pas Fatmir Mediut, një tjetër ish-ministër përfundon në SPAK

Ish-ministri i Mbrojtjes Gazmend Oketa është paraqitur sot në SPAK.

Shkak për këtë është bërë fakti se ai do të merret në pyetje në lidhje me privatizimin e ish-klubit sportiv “Partizani”.

Sipas informacioneve, Oketa ka qendruar rreth një orë në institucionin e lartë të drejtësisë.

Kallëzimi për aferën e privatizimit të ish-kompleksit “Partizani” ku është ndërtuar një kompleks pallatesh, është bërë nga kryetari i Grupit Parlamentar të Partisë Socialiste, Taulant Balla.

Nëpërmjet kësaj padie, Balla akuzon për shpërdorim detyre ish-kryeministrin Berisha, dhëndrin e Jamarbër Malltezi dhe ish-ministrin Arben Imami.

Klubi sportiv “Partizani” ka qenë një ndër komplekset në pronësi të Ministrisë së Mbrojtjes, ku sot janë bërë ndërtime të reja.

Për këtë çështje u paraqit sot në SPAK edhe ish-ministri i Mbrojtjes, Fatmir Mediu.