Pas përfundimit të zgjedhjeve në 6 bashkitë e vendit, ish-kryeministri Sali Berisha ka reaguar për herë të parë pas fitores së Bardh Spahias si kryetar i Bashkisë së Shkodrës. Në një prononcim për gazetarët, Berisha tha se Shkodra është simbol i frymëzimit gjithë popullor opozitar. Berisha gjithashtu tha se demokratet të bashkohen pasi në ditët në vijim do ketë aksione të tjera.
“Qytetarët e tyre me votën zgjodhën Bardh Spahiun për kryetar të bashkisë së Shkodrës, si përfaqësues të shtëpisë së lirisë. Shkodra është simbol i frymëzimit të të gjithë popullit opozitar në Shqipëri. Ajo mbetet e pamposhtur. Kam një falënderim të veçantë. ata demokratë dhe demokrate të partive aleate, që u angazhuan në këtë fushatë, për alternativën e shtëpisë së lirisë. Në ditët në vijim kemi aksione të tjera. Demokratet të bashkohen të gjithë dhe fitoren e Shkodrës ta shtrijmë më gjerë” – tha Berisha.
Discussion about this post