Avokatët në Sarandë iu janë bashkuar gjithashtu bojkotit të seancave për të kundërshtuar hartën e re gjyqësore. Në draftin e miratuar nga KLGJ, Gjykata e Sarandës do të vazhdojë funksionimin normal, por avokatët e Sarandës kundërshtojnë shkrirjen e Gjykatës së Apelit dhe Gjykatës Administrative në Gjirokastër.
“Shkrirja e këtyre gjykatave dhe zhvendosja drejt Tiranës dhe Lushnjës do të sjellë edhe rritjen e kostove për qytetarët”, u shpreh Merdan Lazaj, përfaqësues i Dhomës së Avokatisë Sarandë
Dhoma e Avokatisë ka nisur bojkotin e seancave gjyqësore për të gjitha shkallët e gjyqësorit deri ditën e premte, 17 qershor. Kryetari i Dhomës së Avokatisë, Maks Haxhia kërkon nga Këshilli i Lartë Gjyqësor që të ketë një gjykatë apeli në Shkodër, një në Durrës ose Elbasan dhe një në Fier ose Vlorë.
Bojkoti ka nisur nga të gjithë avokatët në vend, ndërsa është paralajmëruar se nëse do të ketë kundërshtime nga ana e tyre, avokatët rrezikojnë heqjen e liçensës.
Discussion about this post