Pas hetimit të SPAK për tenderët e AKSHI-it, kushëriri i Ergys Agasit hoqi verën miliona euro nga kantina -

Prokuroria e Tiranës ka shpallur në kërkim Eno Agasin. Ky i fundit mësohet se është djali i xhaxhait të Ergys Agasit. Urdhër arresti është dhënë nga prokurori Bledar Valikaj. Prokurori Valikaj gjithashtu ka nisur dhe hetim për pastrim parash

Mësohet se Eno Agasi ka hequr verën miliona euro nga karantina. Mësohet se pasi ishte bërë inventari ishte lënë në kantinë, pasi s’mund të transportohej natën nga doganat. Por më pas kur kanë shkuar të nesërmen për ta marrë, vera ishte hequr.

Eno Agasi dyshohet për kontrabandë mallrash që paguan akcizë, magazinim mallrash që paguajnë akcizë dhe veprime që pengojnë zbardhjen e të vërtetës. Gjithashtu mësohet se Eno Agasi ka hequr edhe pamjet e kamerave.

Ja c’ka ndodhur?

Shishet me verë që i përkasin një koleksioni të vjetër, i cili daton nga viti 1922 e në vijim, u sekuestruar nga SPAK, gjatë aksionit të BKH-së dhe Prokurorisë së Posaçme, që kishte si synim arrestimin e Ergys Agasit, për disa vepra të rënda penale.

Oficerët e BKH-së,kanë kryer proces-verbalet e nevojshme por siç mëson gazetari Elton Qyno, në pamundësi për ti transportuar dhe ruajtur në një vend të sigurt, (për shkak se ishin shumë), koleksioni i shisheve me verë është lënë në ruajtje të efektivave të Policisë së Shtetit.

Qëllimi i lënies në ruajtje ishte edhe për shkak të mbërritjes së vlerësuesve financiare nga Drejtoria e Tatimeve, pasi duhej kryer vlerësimi financiar i çdo shishe vere, që mbahej në koleksionin e Agasit.

Për më tepër të gjitha shishet, ishin të pa pajisura me pullën fiskale, duke ngjallur dyshime të forta për kontrabandë të mallrave dhe “Pastrimit të produkteve të veprës penale”.

Por kur kanë mbërritur ekspertët vlerësues në vendin ku mbahej koleksioni i verës miliona euro, aty ata nuk kanë gjetur asgjë.

Koleksioni ishte zhdukur nga bodrumi dhe deri më sot nuk dihet se ku ndodhet fizikisht. Gys Agasi nga arratia së bashku me ksuhëririn e tij, Eno Agasi, kanë arritur të zhdukin provat materiale të lëna në ruajtje tek Policia e Shtetit.

Sipas hetimeve të kryera deri në këtë fazë, nga banesa janë hequr kamerat dhe DVR-ja, dhe më pas kanë hyrë persona të tjerë duke hequr koleksionin e verës.

Gjithçka ka ndodhur nën hundën e efektivëve të Policisë së Shtetit, të cilët mësohet se ishin lënë në shërbim për të ruajtur provat materiale të sekuestruara në banesën e Ergys Agasit.

Tashmë hetimet janë duke u kryer dhe nga Agjensia e Mbikqyrjes Policore për të parë veprimet që kanë kryer policët.

Ndërsa siç mësohet deri në këtë fazë, ende nuk dihet se ku kanë përfunduar verërat e shtrenjta të koleksionistit Ergys Agasi, që tashmë është shpallur në kërkim por qëndron shëndoshë e mirë në Shqipëri.

gijotina.com/

Etiketa: Ergys Agasi Kryesore1