Orges Shehi e mendon humbjen e djeshme ndaj Erzenit si një situatë të cilën skuadra e tij duhej ta kishte shmangur. Trajneri i bardhebluve theksoi pas sfidës se mungesat kishin ndikuar, ashtu si goli i shpejtë që pësoi ekipi.
“Ne shumë mirë mund ta kalonim ndeshjen në avantazh, por në situata kur ndëshkohemi dhe me një skuadër që rri me shumë mbrapa krijon vështirësi. Këto javë kemi pasur shumë vështirësi sa i përket dëmtimeve. Patrik vetëm dy ditë është stërvitur, Deliu është stërvitur vetëm dy ditë përpara për shkak dëmtimi. Limaj është jashtë, Toshevski me kombëtaren. Bëmë ndërrime dhe rrezikuam me lojtarë që vinin pas dëmtimit, u munduam t’i afrohemi portës e të jemi afër golit, por është e vështirë që kur të mbrohen… I patëm situatat, por goli ndryshon rrjedhën, nuk duhej të ndodhte që me një skuadër që luan mbrapa, të pësosh gol, se bëhet dyfish e vështirë.
Unë jam nga ata persona që nuk delegoj faje dhe nuk gjej fajtor. Kërkojmë të bëjmë më mirë dhe nuk është se gjej fajtor. Kjo është situata dhe do të mundohem të sqaroj. Sot e thashë që mund të bënim më mirë, por në futboll gjithçka ndodh, i japim merita kundërshtarit. Tani të shohim përpara.
Tentuam çdo mënyrë nga krahët, kur del në fundore duhet kros i mirë, që nuk e kishim. Kur ke pasin e fundit, krijon rrezikshmëri te porta kundërshtare. Mendoj se të gjithë lojtarët, pjesa e sulmit, përjashto Patrik se ka luajtur pak ndeshje, kanë dalë para portës. Edhe sot e kishim Xhixhën, edhe sot kishte rast, goditëm shtyllën me Hasanin, kishte raste Hila që mund të ndryshonte rrjedhën. Kemi mundësi të bëjmë mirë, kemi ende mundësi për të përmirësuar me organikë, se të mungojnë katër titullarë nuk është e lehtë, edhe në mesfushë kishim vetëm dy mesfushorë. Goli ndryshon gjithë situatën, kundërshtari shënon me një gjysmë rasti dhe e mbyll. Ne kishim ato tonat por kur nuk shënon, lojtarët bëhen konfuz e nervoz, nuk i vlerësojnë situatat si duhet për shkak të rezultatit.
Ne mund të kërkonim përveç fundores, ne kërkonim nga krahët dhe krosimet ndoshta duhej të ishin më të mira. Ndeshjen nuk e filluam siç duhet, në presion e ngushtim skuadre. Mbrojtësit tanë krijuan distancë të madhe që nuk duhej të ndodhte. Me zëvendësime kërkuam të mbanim topin në zotërim, kur hapej zona, e tepronim me mbajtje topi se kundërshtari ishte shumë i ngjeshur”, tha Shehi për “Oversport”.
Discussion about this post