Të dielën e 24 shtatorit, qytetarët e Kukësit zgjodhën kryebashkiakun e ri, në një garë mes Emri Vatës të mbështetur nga koalicioni opozitar “Bashkë Fitojmë” dhe Albert Halilaj të Partisë Socialiste.
Ky i fundit mori mandatin me një diferencë prej mbi 5500 votash, më e larta e regjistruara për Bashkinë e Kukësit, ndoshta në çdo palë zgjedhje vendore.
Ilir Meta, kreu i PL-së, ka akuzuar Qeverinë për manipulimin e zgjedhjeve, ndërkohë që ende nuk ka një deklaratë apo qëndrim të ish-Kryeministrit Sali Berisha, drejtues të PD-së së rithemeluar.
Ndërkohë që për deputetin demokrat Agron Gjekmarkaj humbja në Kukës dhe aq më tepër diferenca e votave nuk është mirë as për PD dhe as për demokratët.
Në studionin e Opinion në News24, Gjekmarkaj tha se demokratët duhet të shndërrohen në mendje të ftohta dhe të shkëpusin zinxhirin e humbjeve.
“E djeshmja nuk ishte e mirë as për PD, as për demokratët. Por të gjithë të shndërrohen në mendje të ftohta dhe demokratët të shkëpusin këtë zinxhir humbjeje.”, tha Gjekmarkaj.
Discussion about this post