Ditën e sotme, presidenti i Parlamentit Europian, David Sassoli ndërroi jetë papritur në moshën 65-vjeçare, pasi vuante nga një sëmundje e rëndë. Ndërsa familja po bën të gjitha ritet e nevojshme, shumë zëra në medie flasin për presidentin e ri që do të zëvendësojë të ndjerin.
Në fakt pritet që të jetë një presidente. Bëhet fjalë për maltezen, Roberta Metzola. 42-vjeçarja pritet që të marrë frenat e PE. Konsrevatorja 42-vjeçare është zëvendës-presidente e Parlamentit Evropian, dhe po kandidon me Partinë Popullore Evropiane për të kërkuar presidencën si pasardhëse e të ndjerit David Sassoli.
“Evropa ka humbur një lider, unë kam humbur një mik, demokracia ka humbur një kampion”, ka shkruar Roberta Metzola sot në rrjetet sociale për Sassolin. Më 24 nëntor 2021, Roberta Metzola u zgjodh kandidate e Partisë Popullore Evropiane (EPP) dhe do të kandidojë për presidencën e Parlamentit Evropian për gjysmën e ardhshme të mandatit të tij.
Discussion about this post