Pas takimeve që bëri me krerët e shtetit në Kosovë, i dërguari special i SHBA për dialogun Kosovë- Serbi Gabriel Escobar, do të udhëtojë nesër drejt Beogradit. Ai do të zhvillojë një takim me presidentin serb Aleksandër Vuçiç.
Takimi mes Escobar dhe Vuçiç është planifikuar për në orën 9:30 të mëngjesit, pas të cilës pritet që të mbajnë dhe një konferencë për shtyp.
Gabriel Escobar ka mbërritur në Prishtinë, aty ku është takuar me presidenten Vjosa Osmani. Pas takimit, të dy kanë dalë në një deklaratë për mediat, ku Escobar ka folur shkurt duke e cilësuar Kosovën si një aleate të rëndësishme të SHBA-së. Pas Osmanit, Escobar është takuar me Kurtin, të cilit i ka bërë të ditur se SHBA do ta mbështesë dialogun me Serbinë. Ndërsa Kurti nga ana e tij tha se e mirëpresin angazhimin e SHBA-së në procesin e dialogut. Përveç liderëve institucionalë, pas Osmanit dhe Kurtit, Escobar do të diskutojë edhe me përfaqësuesit e partive opozitare. Kjo është hera e dytë brenda disa javësh, që amerikani Escobar shkon në Kosovë, por kësaj herë ka shumë pak të dhëna lidhur me qëllimin e tij.
Discussion about this post