Sokol Mjacaj, i dyshuar si autori i vrasjes së Arben Lleshit në burgun e Peqinit, raportohet se është vetëizoluar në një prej dhomave të IEVP-së së sigurisë së lartë, pasi kreu krimin.
Nga raportimet mësohet se Mjacaj ka kërcënuar disa herë se do të qëllojë ndaj kujdo që afrohet, ose do të vrasë veten.
Ndërkohë forcat e shumta policore ndodhen në burgun e sigurisë së lartë, duke mbajtur nën kontroll situatën.
Lidhur me ngjarjen ka raportime kontradiktore, pasi në fillim u tha se Mjacaj ishte neutralizuar, por duket se ai është vetëizoluar në një prej ambienteve.
E ndërsa situata është qetësuar, Prokurorët e Elbasanit kanë nisur hetimet lidhur me ngjarjen e rëndë. Deri më tani raportohet se i plagosuri Indrit Shaqja, i cili ka tentuar të pengojë Mjacajn për të shkrepur armën, ende nuk ka dhënë detaje për grupin hetimor, ndërsa ndodhet në spital.
Pasi ka qëlluar ndaj Lleshit, i cili mbërriti i pajetë në spital, dhe plagosi në këmbë Indrit Shaqjan, një tjetër i dënuar, Mjacaj ka tentuar të marrë peng një prej gardianëve ose të burgosurve, por ka dështuar në tentativën e tij.
Discussion about this post