Banorët e Saukut kanë ngritur shqetësimin e ujërave të zeza në zonë, problem të cilin e kanë çuar dhe në UKT, mirëpo nuk kanë marrë asnjë reagim nga drejtoria. Një ndër problemet e tyre është mungesa e ujit, i cili vjen për pak orë gjatë ditës si dhe bashkimi i ujërave të zeza me të bardha, duke sjellë një situatë të ngjashme me atë të Krujës.
“Ka bashkim të ujërave të bardha me ato të zeza. Ne edhe mund të helmohemi sepse është shumë pisllëk, mund të dalë ndonjë sëmundje. Kjo situatë ka 3-4 vite dhe nuk është marrë asnjë lloj mase. Në dijeninë time, Veliaj nuk ka ardhur. U tregoj edhe atyre të ujësjellësit, u them, ja shihni ujin, a pihet ky? Ne i paguajmë rregullisht faturat nga 25 deri në 30 mijë. Atë që do shpenzoj, e paguaj unë. Po tani kam frikë se mos më ikën uji se po laj tapetin”, shprehen banorët për “Fax News”.
Situata e banorëve të Saukut është e ngjashme me ato të Krujës, ku rreth 500 qytetarët u helmuan për shkak të baktereve që u gjetën në ujë.
