Rreth dy javë pas mbajtjes së Kuvendit Kombëtar, kreu i Partisë Demokratike, Lulzim Basha ka vendosur të nisë takimet me bazën. Mësohet se ditën e sotme kreu i PD është nisur drejt Dibrës.
Pas mbledhjes së Këshillit Kombëtar të Partisë Demokratike, Basha ka zhvilluar një sërë aktivitetesh intensive, jo formale, me qëllim përgatitjen e strukturave për vijmin e aksionit politik të miratuar në 18 dhjetor nga Kuvendi Kombëtar.
Sipas informacioneve, ditët e fundit kryedemokrati është takuar me kryetarët e degëve të PD, ndjekur nga takimet me Grupin Parlamentar dhe me Kryesinë e PD.
Basha nis kështu një tur takimesh në të gjithë vendin, me qëllim riorganizimin e partisë, në një kohë të vështirë për PD pas lëvizjes së krijuar nga ish-kryeministri Sali Berisha.
Discussion about this post