Nevil Dede do të marrë drejtimin e stolit të skuadrës së Erzenit për sezonin 2021-2022. Dede ishte trajner i Tiranës në pjesën e parë të kampionatit 2020-2021, por pas një debati me Presidentin Refik Halil ai është larguar nga klubi bardheblu.
Ish-mbrojtësi ka një karrierë të pasur në fushën e trajningut dhe si duket ka gjetur marrëveshjen për të drejtuar shijakasit në sezonin e ri.
Kryeqytetasi u prezantua në ambientet e klubit nga presidenti Elton Arbana dhe tashmë pritet të provojë që me përvojën e tij të jap kontributin për të sjellë në Superiores skuadrën shijakase./Gijotina.com
