Pas largimit të Sali Berishës nga grupi parlamentar i Partisë Demokratike, ka reaguar dega e PD-së Berat. Kryetari i degës së Beratit, Gazmend Azizi e ka cilësuar largimin e Berishës nga Grupi Parlamentar i PD një vendim sa të vështirë për z.Basha po aq edhe të rrezikshëm për PD-në, demokratët dhe për çdo qytetar shqiptarë.
Sipas Azizit, ky vendim duhet të ishte marrë nga vetë zoti Berisha dhe do të ishte jo vetëm më i ndershëm por edhe më i shëndetshëm për Partinë Demokratike.
“Basha, Berisha dhe e ardhmja e PD.
Padyshim që largimi i Berishës nga Grupi Parlamentar i PD është një vendim sa i vështirë për z.Basha, po aq edhe i rrezikshëm për PD, demokratët dhe çdo qytetar shqiptarë.
Ndoshta ky vendim do të duhej të ishte marrë vetë nga z.Berisha.
Vetëlargimi i tij nga grupi parlamentar i PD, do të ishte jo vetëm më i ndershëm ,por edhe më i shëndetshëm për Partinë Demokratike.
Koha është ilaçi më i mirë dhe gjykatësi më i drejtë!” – shkruan Azizi.
