Orgesa Zaimi është një ndër konkurrentet në “Dance Albania”. Këngëtarja ka treguar zënkën që ndodhi në prapaskenë me Luiza Gegën e cila më pas vendosi të largohej nga spektakli i kërcimit. Luiza arrti të fitonte kupën e mbrëmjes në ‘DA’ por kur vajzat ndodheshin në prapaskenë, sportistja dëshronte që trofeun ta merrte Orgesa.
E ftuar në programin “Rudina”, Zaimi tregoi se ato patën një ‘debat’ pasi këngëtarja nuk e pranonte kurrësesi. Ajo theksoi se largimi i Luizës ishte një surprizë për të gjithë dhe ajo kishte krijuar një lidhje të fortë me sportisten.
“Unë i thashë nuk e pranoj kupën, nuk dua, dhe u zumë kështu që jo merre ti, sikur po paguanim kafe. Nuk e dua, e meriton ti. Unë u mërzita shumë që Luiza u largua. Ne nuk e prisnim, sepse ishte surprizë për të gjithë ne, edhe për ne konkurrentët. Nuk na kishte thënë absolutisht. Unë u lidha shumë me Luizën, është një vajzë e shkëlqyer, jam shumë me fat që e kam njohur dhe shpresoj që kjo miqësi të nisë tani dhe të vazhdojë edhe në vazhdimësi”.
Edhe pse u largua nga spektakli i kërcimit, ky ka qenë pa dyshim viti i saj. Luiza Gega na ka bërë të gjithëve krenarë teksa është shpallur Kampione e Europës. Tashmë një sfidë e re gjendet përpara saj, ku te “Dance Albania” ku po provon veten edhe në kërcim.
Kujtojmë se disa ditë më parë, Gega ka folur rreth jetës së saj sentimentale dhe se momentalisht nuk është e fokusuar të ketë dikë në krahë pasi ka pasur një periudhë shumë të ngarkuar.
Discussion about this post