Pas më shumë se 6 orësh qëndrimi në det për shkak të motit të keq është ankoruar trageti i linjës Brindisi-Vlorë. Në deklarata për mediet, pasagjerët e kanë konsideruar skandaloze faktin që i kanë lënë që të qëndrojnë në traget në ato kushte. Një prej 129 pasagjerët tha se ka pasur edhe persona që u ka rënë të fikët nga mungesa e medikamenteve dhe se s’kishte kush tu vinte në ndihmë pasi nuk kishte as mjekë dhe as infermierë.
“Skandaloze, skandaloze, kur këta zotërinjtë e panë që ai trageti erdhi na mori, e panë detin që ishte i acaruar, pse u nisën,”- tha njëri.
“Ku rrihej aty,”- tha një tjetër.
“Familjet janë bërë merak të gjithë,”- shtoi një tjetër pasagjer.
Një tjetër ka përfunduar se ishte një udhëtim në kushte të vështira dhe se askush nuk u njoftua.
“Anija pavarësisht se pati vetëm një problem të vogël iku në Sazan dhe në Karaburun. Ne s’kemi pas asnjë njoftim zyrtar, por sipas rregullave që ishin aty ne u bazuam te ato, dhe pse ishte vërtet një udhëtim shumë i vështirë. Në kushte të tilla ne nuk duhet që të vijojmë me probleme të tilla, standardi i kushteve ishte për të dëshiruar pasi aty nuk kishte një mjek dhe kishte pasagjerë të sëmurë që u binte të fikët,”- tha dhe një tjetër pasagjer.
Discussion about this post