Pas rritjes marramendëse të çmimit të naftës, ekonomia jonë po merr një tjetër goditje. Që nga fillimi i këtij viti edhe çmimi i energjisë është rritur me ritme të shpejta. Nëse deri në 31 dhjetor çmimi i energjisë faturohej me 12.40 lekë për kilovat, sot kjo kosto është rritur me 50 përqind, duke bërë thuajse të pamundur aktivitetet tregtare, fatura e të cilave është një lak në fyt në rritjen e kostos. nëse një biznes që dje paguante 100 mijë lekë para janarit të viti 2022, ai detyrohet të paguajë sot 150 mijë lekë, një kosto që behet rrënuese për bizneset prodhuese të cilat kanë lidhje drejtpërdrejtë me energjinë, në varësi të numrit të makinerive që kanë në dispozicion.
Megjithëse qeveria është munduar të alarmojë situatën për ngritje të supozuar të çmimit deri në 500 euro megavati realiteti është i ndryshëm. Ndryshe nga sa deklaroi kryeministri Edi Rama, të dhënat zyrtare tregojnë se çmimet e importit për 1 Kwh janë shumë herë më të ulta. Referuar të dhënave të publikuar nga vetë OSHEE Group dhe Korporata Elektroenergjetike Shqiptare, energjia e importuar ka kushtuar më shtrenjtë në muajin nëntor të vitit 2021, ku mesatarisht u pagua 295.04 euro/mwh orë apo 29.5 euro/kwh apo rreth 36 lekë, një vlerë thuajse 45% më pak nga shifrat e kryeministrit.
Këto çmime që po publikojmë janë në skenarin më të keq nëse Shqipëria importon nga jashtë 100 përqind të energjisë, ndërkohë që kemi prodhimin vendës i cili ka një kosto shumë herë më të ulët nga ky që pretendon qeveria shqiptare. HEC private ja faturojnë energjinë shtetit shqiptar me një vlerë prej 80 euro, ndërkohë që KESH nëpërmjet hidrocentraleve të saj e faturon diçka më pak se gjysma e kësaj vlere. Shteti shqiptar nëpërmjet shtrenjtimit të energjisë kërkon të përcjellë kostot e saj me keqmenaxhimin e koncensioneve në kurriz të bizneseve shqiptare. Nëse problemi i energjisë elektrike është një problem që ka rënë në kurriz të biznesit, i cili është më pak i ndjeshëm se popullata, çmimi i naftës është bërë një gangrenë e jashtëzakonshme për shqiptarët.
Discussion about this post