Pak javë më parë, Loredana konfirmoi ndarjen nga Mozzik, pas shumë kohësh që përflitej një krizë mes tyre në media. Ndërsa Mozzik vazhdon të qëndrojë i heshtur, Loredana herë pas here bën ndonjë deklaratë me postimet e saj.
Për ditëlindjen e saj, teksa ka ndarë foto në rrjete sociale ku shfaqej me miqtë e saj dhe familjarë duke festuar, ishte dikush shumë i rëndësishëm për të që mungonte. Pikërisht Mozzik, i cili nuk u duk asgjëkund, duke vërtetuar kështu ndarjen përfundimtare mes tyre.
Megjithatë, duket se dhe pas ndarjes Loredana vazhdon të hedhë disa ‘thumba’ në rrjete sociale. Me anë të një shprehje në Instastory reperja duket se i ka dhënë një ‘mesazh’ vajzave për të parë karrierën e tyre dhe të mos shkojnë pas dashurisë.
“Bëni para, jo të dashur”.
Kujtojmë se kënga më e fundit nga ish- çifti është “Mir Mir” dhe ka vetëm dy javë nga publikimi. Deri më tani ky bashkëpunim numëron 3.5 milion klikime duke na treguar dhe një herë se dyshja nuk zhgënjen kurrë.
