Dafina Zeqiri është një nga artistet më të suksesshme në industrinë tonë muzikore. Këngëtarja nga Kosova numëron një numër të madh hitesh vetëm, por edhe bashkëpunime. Dy vite më parë Dafina bashkëpunoi me reperen e re asokohe Taynan, duke sjellë sensasionin e asaj vere “Bye Bye”.
Përpos këngës, në atë kohë bujë të madhe bëri edhe klipi me skena të “nxehta” nga dyshja. Mirëpo ky realizim i suksesshëm më pas pati pasojat e tij. Dy artistet shkëputen marrëdhëniet me njëra-tjetrën.
Sot pas dy vitesh Dafina Zeqiri vjen me një bashkëpunim të ri me artisten e njohur nga Kosova Kida-n. Ajo çfarë bëri përshtypje në këtë këngë ishin skena e ngjashme në klip me atë të dy viteve më parë.
Kida dhe Dafina shfaqen shumë të afërta në një servis makinash, teksa kërcejnë me njëra-tjetrën. Lëvizjet “hot” në këtë klip janë pothuajse të njëjta me Taynën në klipin “Bye Bye”.
Kujtojmë se Dafina Zeqiri pas aludimeve për krisje të marrëdhënieve me Taynën bëri një deklarim publik.
“Jam e lodhur nga ato femra që bërtasin për ndihmë dhe kur u hap një derë, kthehen kundër dhe madje përpiqen të të bëjnë ‘diss’ ty. Do të kem gjithmonë mbështetjen e vajzave. Vajza, jini vigjilente, jo çdo kush që ndihmoni, është njeri i mirë! Karma ka një mënyrë qesharake për të zbuluar të vërtetën. Ti e di se kush je!”
Discussion about this post