Ndarja e modeles ruse Ariana Lirey dhe Don Xhonit, emri i vërtetë i të cilit është Xhonatan Isufi, siç vihet re do të përflitet gjatë. Pak ditë më parë ish-çifti njoftuan në rrjetet e tyre sociale se janë ndarë përfundimisht. Mirëpo, Ariana vazhdon të marrë vëmendje me veprimet e saj.
Kështu pas ndarjes nga reperi, ajo ka filluar të ndjekë në Instagram një nga rivalët e tij më të mëdhenj në muzikë, Rigels Rajkun e njohur nga të gjithë si Noizy. Modelja i ka bërë atij folloë teksa Noizy nuk e ndjek atë.
Kujtojmë se, Noizy dhe Don Xhoni janë përfolur shpesh për diss-et mes tyre nëpër këngë. Reperi nga Drenica e ka sulmuar Noizyn dhe reperë të tjerë se nuk e kanë mbështetur dhe se nuk bëjnë muzikë të mirë. Noizy nga ana tjetër shprehet se nuk mund të jetë në nivelin e tij dhe se mbetet “mbreti i hip-hopit shqiptar”.
Nga ana tjetër, nuk dihet nëse Ariana e simpatizon Noizyn apo e ka bërë për hakmarrje nda ish-të dashurit por ky veprim vjen pas polemikave të fundit.
Gjithashtu kujtojmë se menjëherë pasi konfirmoi ndarjen, ajo fshiu çdo postim në llogarinë e saj në Instagram ku shfaqej krah reperit. Por ditën e djeshme ajo riktheu foton e parë që ka publikuar me Don Xhonin. Më pas ajo ka postuar në Instastory një foto ku ndodhej në krahët e një personi anonim.
Lajmin e ndarjes së tyre e konfirmoi modelja përmes disa shkrimeve në Instastory. Pas disa akuzave nga Ariana, reagoi gjithashtu edhe reperi i cili u shpreh se për modelen ka një respekt të madh pasi ishte pjesë e jetës së tij dhe se nuk do ta harrojë asnjëherë.
Discussion about this post