Andi dhe Melisa, çifti që ka zgjatur më shumë nga “Për’puthen”, i kanë dhënë fund lidhjes së tyre. Ky veprim i ka shokuar fansat e tyre pasi nuk e prisnin këtë gjë, aq më tepër kohët e fundit pasi ata shfaqeshin shumë të dashuruar në praninë e njëri-tjetrit.
Fillimisht ka qenë ish-konkurrentja e “Për’puthen” Melisa ajo që e ka bërë të ditur nëpërmjet postimeve që ka bërë në “Instastory”.
“E penduar deri në pikë të fundit. U kry. Euforike gjithmonë. Hiperaktive. Flas pafund prandaj ma kanë vu gishtin gjithmonë mu. Veç unë e ti e dimë sa shumë nuk kam folur. Nuk më intereson çka ju të gjithë mendoni sepse ky është limiti”, është shprehur e revoltuar Melisa. Melisa i ka fshirë fotografitë e përbashkëta dhe nuk e ndjek më Andin në “Instagram”.
Ndërkohë më vonë ka ardhur edhe reagimi i Andit, i cili i vendosi kapakun finalizimit të lidhjes së tyre, duke hequr ‘folloë’-n nga “Instagram”.
Në këtë mënyrë u vërtetua një herë e mirë se dyshja më afatgjatë e “Për’puthen” nuk janë më së bashku.
Discussion about this post