Pas stilistit të njohur Niko Komani, ka reaguar edhe Ronela Hajati në lidhje me veshjen e saj në tapetin “Turquoise”, e cila sipas artistit brazilian Pedro Leopoldom, ishte e kopjuar nga ai.
Këngëtarja ka publikuar foton e veshjes në rrjetin e saj social Instagram, ku krahas së cilës ka shkruar që është ilustruar nga Pedro Leopoldom, teksa i ka bërë edhe tag këtij të fundit duke i dhënë kështu kreditet dhe meritat e tij.
Kujtojmë se më herët, sitilisti i njohur Niko Komani i cili është pjesë e ekipit shqiptar në Eurovision, publikoi më herët një status në Instastory ku shkruan se është në komunikim me artistin brazilian, por pa dhënë asnjë detaj më tepër.
“Gjithçka ndodh për një arsye! Ekipi ynë është në komunikim me Pedro Leoplodom dhe gjithçka është nën kontroll! Faleminderit.”
Nga ana tjetër, Pedro Leopoldom ka akuzuar mbrëmë stilistin shqiptar se i ka vjedhur stilimin pa lejen e tij dhe pa i dhënë meritat e duhura. Ai bëri disa postime në Instastory ku fillimisht kërkoi ndihmën e ndjekësve duke postuar më tej veshjen e këngëtares Ronela Hajati.
Më pas artisti brazilian ka shkruar se kanë përdorur dizejnimin e tij ka leje.
“Kanë përdorur dizenjimin tim pa leje, dhe nuk më dhanë meritat.”
Discussion about this post