Pas një viti, Shoqata e Botuesve Shqiptarë ka nis përgatitjet për rikthimin e panairit në Pallatin e Kongreseve. Petrit Ymeri e cilëson domosdoshmëri takimin me lexuesin në ngjarjen më të madhe të librit, për të kapërcyer edhe krizën që ka ngërthyer botuesit këto 2 vite.
Por kreu i Shoqatës së Botuesve, thotë se do të ketë një ultimatum që gjithë punonjësit e librit të shtëpive botuese do të duhet të jenë të vaksinuar.
Organizatorët janë në punë e sipër për të përgatitur një projekt konkret, në konsulencë edhe me ekspertët e shëndetësisë, për të bërë të mundur zhvillimin tradicional edhe në këtë edicion të 24 -të
Ky vit i vështirë për librin ka pasur prurje interesante, sipas Ymerit falë mbështetjes së projekteve europiane. Synimi është që panairi të mbahet nga data 17- deri më 23 nëntor dhe botuesit presin mbështetje nga Ministria e Kulturës dhe Bashkia e Tiranës.
