Legjenda braziliane Pele thotë se ndihet gati për “90 minuta plus kohë shtesë” pas largimit nga kujdesi intensiv.
80-vjeçari u operua për të hequr një tumor nga zorra e trashë në Spitalin Albert Einstein në Sao Paulo. Fituesi tre herë i Kupës së Botës ka qenë duke u trajtuar në spital që nga 31 gushti pasi tumori u zbulua në testet rutinë.
“Unë tashmë jam larguar nga kujdesi intensiv dhe jam në dhomën time,”-shkroi ai në një postim në ‘Instagram’ duke falënderuar fansat për mbështetjen.
“Unë vazhdoj çdo ditë më i lumtur, me shumë dëshirë për të luajtur 90 minuta, plus kohë shtesë. Ne do të jemi së bashku së shpejti.”-tha ndër të tjera legjenda e futbollit.
Pele është golashënuesi më i mirë i të gjitha kohërave në Brazil me 77 gola në 92 ndeshje dhe një nga vetëm katër lojtarët që kanë shënuar në katër turne të Kupës së Botës.
Lionel Messi kohët e fundit e kaloi atë si golashënuesi kryesor i meshkujve nga Amerika e Jugut në ndeshjet ndërkombëtare me një hat-trick në fitoren kualifikuese të Argjentinës në Kupën e Botës kundër Bolivisë./K.T/Gijotina.com
