Deputeti i Partisë Demokratike, Belind Këlliçi ka deklaruar në një prononcim për mediat se është përjashtuar nga Parlamenti për futjen e një pajisje për mbajtjen e telefonit. Sipas tij, këtë pajisje nuk e ka futur në mënyrë të paligjshme por e ka gjetur aty. Këlliçi theksoi se PS po përjashton deputetë, në një kohë kur PS në opozitë përdorte megafonë.
‘Pretendohet nga komisioni i etikës që kam futur këtë pajisje, që është një pajisje për të mbajtur telefonin. Blihet në çdo dyqan. E kam gjetur brenda sallës së Parlamentit. Më thonë se kam futur këtë pajisje, pretendojnë se e kanë parë me video.
Të më tregojnë se çfarë të keqe i bën shëndetit të Ramës kjo pajisje. Akuzohem se kam bllokuar foltoren, ndërkohë që kryetarja e Parlamentit thoshte se nuk funksiononte mikrofoni i foltores. Kjo bëhet që Edi Rama të vijë në Parlament dhe të mos ketë opozitë aty. Do apo jo Lindita Nikolla, kësaj afere do i shkohet deri në fund. Unë si i ri mbi të gjitha, do qëndroj fort.’-tha Këlliçi.
Discussion about this post