Banorët e 4 zonave në Tiranë, 5 Majit, Kombinatit, Paskuqanit si dhe Kodrës së Priftit, pas protestës para Kuvendit, janë nisur duke marshuar në këmbë drejt ambasadës amerikane. Ato kërkojnë drejtësi për pronat e tyre. Ata shprehen se do të kërkojnë ndihmë edhe nga ambasadorët, sepse kjo situatë duhet të shihet si problem edhe përtej Shqipërisë, të ndërhyjnë ndërkombëtarët dhe të mos lejojnë masakrën ndaj familjeve të tyre.
Kujtojmë se, një pjesë e banorëve nuk kanë pranuar kontratat e propozuara nga bashkia, ku thuhet se do të përfitojnë kompensim të plotë, nëpërmjet shkëmbimit të pronës së tyre me objektet e reja që do të ndërtohen në lagjen e re me të njëjtat metra katror. Sipas tyre ajo është e njëanshme dhe nuk ka vlerë ligjore. Për këtë projekt pritet të shemben në total një numër prej rreth 1 mijë banesash.
Discussion about this post