Kreu i Partisë Demokratike, Lulzim Basha ka publikuar një video, ku duket se është rivendosur sërish banderola në fasadë me logon e PD, e cila u shkatërruar gjatë protestës së 8 janarit që degjeneroi në dhunë.
Basha shkruan në Facebook se kjo force politike, e cila ndodhet në ditët më të vështira të saj do të ringrihet si shpresa e vetme për ndryshimin.
“Partia Demokratike do ringrihet si shpresa e vetme e shqiptarëve për ndryshim! Për një të ardhme më të mirë për të gjithë”, shkruan Basha.
Partia Demokratike do të mbledhë ditën e sotme Kolegjin e Kryetarëve të PD-së. Mësohet se, mbledhja do të fillojë në orën 16:00 dhe do të diskutohet mbi kalendarin dhe masat për organizimin e partisë pas Kuvendit të 18 dhjetorit.
Discussion about this post